పల్లవి:ఆనందించెదము యెహోవాలో - అతిశయించును మాదు ఆత్మరక్షణ వస్త్రములతో యెహోవా మమ్ము - నీతి వస్త్రమున్ ధరింపజేసె
చరణం 1:పరదేశులు మమ్ము ప్రభువా దేవా - నీదు యాజక సేవకులనెదరు
జగమున జనముల భాగ్యంబిచ్చి
ప్రభవింతురంటివి ప్రభావముతో
చరణం 2:అన్యులు చేసిన అవమానమునకు - ప్రతిగా మాకు రెట్టింపు ఘనతను
నిందకు ప్రతిగా పొందిన భాగము
అనుభవించుచు హర్షింతురంటివి
చరణం 3:వారు తమదు దేశము నందు - రెట్టింపు భాగమునకు కర్తలౌదురు
నిత్యానందము వారికి కలుగును
ఎన్నడు వారిని విడువనంటివి
చరణం 4:న్యాయము చేయుట నాకెంతో ప్రీతి - అన్యాయపు సొత్తు నా కసహ్యము
సత్యము బట్టి ప్రతిఫలమిచ్చుచు
నిత్య నిబంధన చేసెదనంటివి
చరణం 5:జనములకు వారి సంతతి తెలియును - జనముల మధ్యను ప్రసిద్ధి నొందును
యెహోవా ఆశీర్వదించిన జనమని
ఒప్పుకొందురు చూచినవారు
చరణం 6:భూమి మొలకను మొలిపించినట్లుగా - తోటలో మొలిచిన విత్తనము వలె
జనముల యెదుట ప్రభు యెహోవా
నీతి స్తోత్రములను ఉజ్జీవింపజేయును
చరణం 7:క్రీస్తు నందు మాకిచ్చినయట్టి - ఆత్మబంధిత ప్రతి ఆశీస్సులకై
సర్వోన్నతుడా సన్నుతించుచు
హల్లెలూయ స్తోత్రముల్ ఆరోపింతుము