చరణం 1:ఓ ప్రార్థనా సు ప్రార్థనా - నీ ప్రాభవంబున్ మరతునా?
నా ప్రభువున్ ముఖాముఖిన్ - నే బ్రణుతింతు నీ ప్రభన్
నా ప్రాణమౌ సు ప్రార్థనా - నీ ప్రేరణంబుచే గదా
నీ ప్రేమధార గ్రోలుదు - నో ప్రార్థనా సు ప్రార్థనా -నీ
చరణం 2:పిశాచి నన్ను యుక్తితో - వశంబు చేయ జూచుచో
నీ శాంతమైన దీప్తియే - నా శైలమైన ప్రార్థనా
నీ శక్తి నేను మరతునా - నా శైలమైన ప్రార్థనా
నా శోకమెల్ల దీర్చెడు - విశేషమైన ప్రార్థనా -నా శోక
చరణం 3:నీ దివ్యమైన రెక్కలే - నా దుఃఖభారమెల్లను
నా దేవుడేసు చెంతకు - మోదంబు గొంచుబోవును
సదా శుభంబులొందను - విధంబు జూప నీవెగ
నా ధైర్యమిచ్చు ప్రార్థనా - సుధాసుధార ప్రార్థనా -నా ధైర్య
చరణం 4:అరణ్యమైన భూమిలో - నా రమ్యమౌ పిస్గా నగం
బురంగుగాను నెక్కి నా- చిర గృహంబు జూతును
శరీరమున్ విదల్చి నే - బరంబు బోవు వేళలో
కరంబు నిన్ను మెచ్చెదన్ - బరేశు ధ్యాన ప్రార్థనా -కరంబు